Hərbi ekspert de devlət sırri pevolo ittihomi dastqir be

Ədalət Verdiyev sərhəd ğoşunon dislokasiya vırə, koordinaton iyən əməliyyot şərait de kəşə video pevolo kardeədə ittihom bedə

Hərbi ekspert de devlət sırri pevolo ittihomi dastqir beƏdalət Verdiyev sərhəd ğoşunon dislokasiya vırə, koordinaton iyən əməliyyot şərait de kəşə video pevolo kardeədə ittihom bedə.Səhiyyə Vəzarəti tabeətiədə bə İctimoi Səhiyyə və İslahoton Mərkəzi mulki mıdafiə ğərorqohi rəis Ədalət Verdiyev dastqir kardə bə. Ehtiyotədə bə zabit, həmən bənə hərbi eksperti fəoliyyət nuşu doə Ədalət Verdiyev devlət sırr hisob bə hərbi məlumoton pevolo kardeədə ittihom be barədə Sər Prokuratura mətbuat xıdməti məlumot doəşe.Məlumotəda bəyon kardə bedə ki, noyabri 22-də bə işğaliku ozod kardə vıron media numayəndon səfərədə və əyo bənə hərbi-eksperti Ədalət Verdiyeviən iştirok kardəşe. Çəy həmonə səfərədə Silahinə Ğıvvon canq məntəğon barzə noxton, sərhəd ğoşunon dislokasiya vıron, koordinaton və əməliyyat şərait bə video kəşe, həmonə kadron ıştə sosial şəbəkə hisobədə pevolo karde iddio bedə:“Ədalət Verdiyevi çe ğolloğ səlohiyyətonku istifodə karde, de Azərboycon Respublika ğanunon hifz bə devlət əmniyətəti və mudafiə ğabiliyyəti təmin kardə mənafeyon bə qonə nəticon səbəb bə muhum zərər je muəyyən kardə bə”.Bə Hərbi eksperti vəynə de Cinoyət Məcəllə 284.1 (devlət sırri pevolo karde) və 308.2- (bə qonə nəticon səbəb bə vəzifə səlahiyyətonku sui-istifodə) maddon ittihom bə nav doə bə. De Boku şəhər Binəqədi Rayon Məhkəmə ğərori çəy barədə bo istintoğ mıddəti ro dastqirəti ğətimko tədbir vıjniyə bə.Ədalət Verdiyevi koy ro tədğiğot Sər Prokuratura İstintoğ İdorədə bardə bedə.Çəy ittihom bə Cinayot Məcəllə 284.1 və 308.2 maddon sanksiyonədə tosə 7 sori ozodətiku məhrumkardə cəzo hıste. Verdiyevi ıştəni taxsikor zıne ya nazne barədə məlumot doə bedə ni.