Alim Fazil Qasımov bə işqəncon məruz mandə
İstanbul Universiteti azərboyconovojə doktorant, 2023-minə sori avqustədə Tırkiyədə qətə, bə Boku vardə və dastqir kardə Fazil Qasımovi noyabri 16-də Penitensiar Xıdməti Mualicə Muəssisəsədə bə işqəncə məruz mande xəbə doə bedə. Bın barədə “Mıdafiə Xətti” inson həxon təşkiloti icrokə direktor Rufət Səfərovi məlumot doəşe
Alim Fazil Qasımov bə işqəncon məruz mandəİstanbul Universiteti azərboyconovojə doktorant, 2023-minə sori avqustədə Tırkiyədə qətə, bə Boku vardə və dastqir kardə Fazil Qasımovi noyabri 16-də Penitensiar Xıdməti Mualicə Muəssisəsədə bə işqəncə məruz mande xəbə doə bedə. Bın barədə “Mıdafiə Xətti” inson həxon təşkiloti icrokə direktor Rufət Səfərovi məlumot doəşe.Huğuğ mıdafiəkə bəyonış kardə ki, 3-4 ruj bə nav Fazil Qasımov de əvlodon telefon qəpədə inqilis zıvonənədə kali çiyonış votə. Çəy telefon qəp nimədə bıryə bə, istən bardə,işqəncə doə bə:“Fazil Qasımov inqilis zıvonədə əvlodonku rico kardəşe ki, bın sorinimi dırozi bə çəy səy vardəyon band sədo pevolo bıbo, çəy vəziyyətiku perəxe ro komək bıbon. Çəy qəp dərhol oğətə bə. Əy, de əvlodon unsiyyət huğuğ bərpo be tələb kardəşe. Çəy huğuği bərpo karde əvəzi ıştən şıkırne-şəkırne bardə bə. Tanədə bə olətış dıriyə. Imi Cəlal Əlizodə nomədə mayori kardəşe”.De huğuğ mıdafiəkə sıxanon, ruji bə peş Cəlal Əlizodə Fazil Qasımovış Mualicə Muəssisədə de vəkilon mulağat kardə xonəş bardə, çəy dast-poçəş epıştə, şə toşe cəhdşon kardə. Fazil Qasımovi etirozi ro de bərkə vanqi zikkəş jə:“Jə zikkəku vıniədəş xun omə. Bə çəy sədo ətrofi dustoğon iyən koəkon qırd bən. Vıniku omə xuni oğəte mumkun bə ni, məcbur mandən həkim vanq bıkon. Fazil Qasımov sə-po xuni dılədə bə kamera dənoə bə”.Huğuğ mıdafiəkə bə Ombudsman Səbinə Əliyeva ovardə, bə alimi vəynə pəftori biqonə nımande, bə işqəncə holon nəzə səğande vanqış kardə.Rufət Səfərovi bə yodış dəğandə ki, Fazil Qasımov Tırkiyəku də bə Azərboycon vardə bə peş Mıtəşəkkil Cinoyətkorəti Vəynə Mıbarizə İdorədə bə ğeyri-insoni rəftori məruz mandə, 5 manq nime vəşiyənəti aksiyə dəvonidə.
