COP29-də etiroz kardə fəol Azərboyconiku vadoə nı be
COP29-də etiroz kardə fəol Azərboyconiku vadoə nı be
COP29-də etiroz kardə fəol Azərboyconiku vadoə nı be
COP29-də etiroz kardə fəol Azərboyconiku vadoə nı beKamran Məmmədli Boku Həvo portədə vadoə bə ni. Heyvon həxon hifz kardə fəol Kamran Məmmədli çe azərboyconiku beşe ğədəğə noə bə.Fəoli bəyonış kardə ki, dekabri 2-də maştəvonə saatonədə bə Qorceston pərə fəxt pasport nəzorət proseduri dəvardiədə çimiku xəbəş qətə:“10 rujinə bə Tbilisi şedəbim. Bokuədə, aeroportədə pasport kontrolədə, votşone ki, Dılətonə Koon Vəzorəti tərəfo bə çımı azərboyconiku beşe ğədəğə noə bə. Hiç qılı səbəb nuşu doə nıbə. Bəyonşon karde ki, bə əmə səbəb bəlli ni. Dılətonə Koon Vəzorəti mətbuat xıdməti bə kardə zənqi cəvobış nı doe. Qımon kardəm ki, bə çımi azərboyconiku beşe ğədəğə COP29-də kardə aksiya ro noə bə”.Dılətonə Koon Vəzorətiku dın məsələ anqıl mınasibət omute mumkün bə ni.Heyvonon huğuğon mıdafiə məşğul bə ictimoi fəol Kamran Məmmədli noyabri 15-də Bokuədə İbə Milləton Təşkiloti iğlim deqışəti konfrans COP29 dəvardə vırədə yekodəminə etiroz aksiya dəvonəşe.İctimoi fəol kuçə sıpon de qullə je etiroz ifodə kardə plakat ros kardəş be.“Azərboyconi hakimiyyət sıpon de qullə jəydə. Azərboycon diktatura sıpon sutedə”, – Kamran Məmmədli dastədə de inqilis zıvonədə nıvıştə plakati etirozış kardə.Hojo əyo fəol tədbiri mıhafizə xıdməti tərəfo qətə, bə polison təhvil doə bə.Fəol, oxonə fəxton azərboyconiku beşe piyə, intasi ğədəğə noə bə vey xonəxonədə qılıye.
