143 milyon mənot dəlıdizdətiədə ittihom bə xonoxon hukm handə be

Mıdafiə Vəzorəti Maliyyə və Budcə İdorə navkonə rəis qeneral-mayor Nizami Məmmədov, Hərbi Həvo Ğıvvon Maliyyə Xıdməti navkonə rəis polkovnik Cəlal Kazımov, Hışkəro Ğoşunon Maliyyə İdorə navkonə rəis Bayram Bayramov və Hərbi Dıyo Ğıvvon Maliyyə Xıdməti navkonə rəis Vusal Əlizadə cinoyət koy ro məhkəmə proses bə orəx rəsə.

143 milyon mənot dəlıdizdətiədə ittihom bə xonoxon hukm handə be Mıdafiə Vəzorəti Maliyyə və Budcə İdorə navkonə rəis qeneral-mayor Nizami Məmmədov, Hərbi Həvo Ğıvvon Maliyyə Xıdməti navkonə rəis polkovnik Cəlal Kazımov, Hışkəro Ğoşunon Maliyyə İdorə navkonə rəis Bayram Bayramov və Hərbi Dıyo Ğıvvon Maliyyə Xıdməti navkonə rəis Vusal Əlizadə cinoyət koy ro məhkəmə proses bə orəx rəsə. De doə xəbə, Boku Hərbi Məhkəmədə dəvardə prosesədə hukm handə bə.Bə bekardə hukmi əsos, Nizami Məmmədov iyən Bayram Bayramov 11 sor 6 manq, Cəlal Kazımov 11 sor, Vusal Əlizadə 10 sor 6 manq mıddət ozodətiku məhrum kardə bən. Çe əvon əmlokon bə devləti qınə ziyani moliyətədə mısadirə karde ğəror doə bə. Mıdafiə Vəzorəti Maliyyə və Budcə İdorə navkonə rəis qeneral-mayor Nizami Məmmədov, Hərbi Həvo Ğıvvon Maliyyə Xıdməti navkonə rəis, polkovnik Cəlal Kazımov, Hışkəro Ğoşunon maliyyə idorə rəis Bayram Bayramov, Hərbi Həvo Ğıvvon maliyyə xıdməti navkonə rəis Vusal Əlizadə, Mıdafiə Vəzorəti Savdı və Təchizot İdorə navkonə rəison, polkovnik Mahir Şirvanov iyən Məlikməmməd Qurbanov, vəzorəti mənzıl istismor idorə navkonə rəis, polkovnik Fikrət Mirzəyev Devlət Əmniyyətə Xidməti dəvonə xususi əməliyyati nəticədə dastqir kardə bən. Taxsikorə xonəxon devlət budcəku co bə pulon dələmurtədə ittihom bedən. Bə devləti həmməyəvo qınə ziyan 143 milyon mənote. Cinoyət koon co-co icraatonədə diyə karde bə məhkəmə vığandə bə. Cinoyət koədə Maliyyə Vəzorət bənə zərərkəşəy zınə bə. Taxsikorə xonəxon har qılə de Cinoyət Məcəllə 179.4- (xususən kulli miğdarədə ziyan je dələdızdəti) maddə ittihom bedən.