Elnur Həsənov hətto maye ğəbulikuən imtino kardəşe

Azərboycon Xalq Cəbhə Partiya (AXCP) dastqirətiədə bə uzvonədə Elnur Həsənovi vəşyənəti aksiya dəvone xəbə doə bedə. Bın barədə partiyaku məlumot doə bə.

Elnur Həsənov hətto maye ğəbulikuən imtino kardəşeAzərboycon Xalq Cəbhə Partiya (AXCP) dastqirətiədə bə uzvonədə Elnur Həsənovi vəşyənəti aksiya dəvone xəbə doə bedə. Bın barədə partiyaku məlumot doə bə.Məlumotədə votə bedə ki, çəy de əvlodon vindemon huğuğ darıştə be səbəbiku bə vəşyənəti bino karde AXCP fəoli de telefon vasitə dekabri 3-də bəyonış kardə..1 sorisə veye dastqirətiədə bə Elnur Həsənov holiədə Umboku Penitensiar Kompleksədə oğətə bedə. Əv, avqusti 2-də Boku Qonə Cinoyəton Məhkəmədə hukm hande ruji bə peş iyo ovoştonə bə. Sentyabri 25-də Boku Apelyasiya Məhkəmə AXCP fəoli həxədə 3 sor ozodətiku məhrumkardə hukm ğıvvədəş oğətə.“Hukmdə çəy cəzo umumi rejiminə cəzokəşə muəssisədə kəşe nıvıştə bə. Peş apelyasiya məhkəmə ğərori hukm bə ğıvvə nıştə. Elnur Həsənov bə umumi rejiminə cəzokəşə muəssisə ovoştonə bənine. Əmma 2 manqisə veye ki, inən əyo oğətə bedə. Nə bə çəzokəşə muəssisə ovoştonidən, nəən de əvlodon vindemon karde icozə dodən. Bə əy xonə səfə normal vindemoni icozə iyuni 21-də doə bə”, – AXCP-ku bəyon kardə bə.Bəvədən Elnur Həsənov vəşyənəti aksiya dəvonəş be, səhhətədə ciddi problemon bə miyon beşə bin.Elnur Həsənov votedə ki, çə fəxtonəku çəy tono omə əvlodon de əy şişə peşto qəpşon jəy zınə . Bə muəssisə rəhbərəti bo vindemon karde ro ovarde cəvob, ın məsələ çe əvon səlahiyyətədə ni, penitensiar Xıdməti rəhbərəti jığo aspardəşe doə bə. Çın səbəbiku dekabri 3-də bə vəşyənəti binoş kardə, dekabri 4-ku maye ğəbuliku imtino kardəşe.Elnur Həsənov 2023-minə sor noyabri 28-ku dastqirətiədəy. Əv, de narkotik ittihomi 3 sor ozodətiku məhrum kardə bə. Fəol votedə ki, bə çəy cif narkotik polison tərəfo noə bə, polis xonədə bə işqəncon məruz mandə, dın ro bə etirof ifodə imzo kəşe məcbur kardə bə. Elnur Həsənovi boə 2020-minə sor 44 rujinə muharibədə şəhid bə, pıə 90-mınə soronədə Ğaraboğ daveonədə yarəjə bə.Holiədə xeyli ictimoi-siyosi fəol iyən dindor de narkotik ittihomi dastqir kardə bən. Əvon ittihomon ğəbul kardə nin, bə siyosi fikon, tənğıdi fəoliyyəti ri şər ğandə be votedən.