Kaspi dıyoku muxtəlifə astəş bıə moy şikor kardey
Dec 16, 2024 05:23 Asia/Tehran
Qiloni moyəvonəti mudir votışe: Qiloni moyqətəon moy şikor kardey fəsli bino beyku tosə ısət, 400 toniku vey Kaspi dıyoku muxtəlifə astəş bıə moy şikor kardışone.
Kuroş Xəlili ijən votışe: de ım miğdor moyon şikor kardey, bo Qilonıjon moyqətəonro 120 milyard dollariku vey bəromə kəsb bıə.
Qiloni moyəvonəti mudir ijən təsdiğış karde: ım mıddətədə kəfali moy de 50 fayiz və sıpiyə moy de 47 fayiz, de ım ostani moyqətəon vositə şikor bıə.
Kaspi dıyoku astəş bıə muxtəlifə moy şikor kardey, tosə ayəndə sori Fərvərdinə manq dəvomış heste, kəfal, sıpiyə, kəpur, suf, sim və kuli moyon əcumlə vey muhimm moyonin ki Kaspi dıyoku şikor bıdə.