Qiloni di irson muzeyədə, Yəlda şəvi mərosim bərpo bəbe

Qiloni mədəni, dasti sənaye və turizm idorə sədr, Azərə manqi 30 minnə ruji cımə rujədə, ostani di irson muzeyədə, de Yəlda beynəlxalğə ğəyri maddi irsi oqətey hədəfi, Yəlda şəvi şoə mərosimi bərpo beyku xəbəş do.

Vəli Cəhani ijən votışe: bə Yəlda şəvi mərosimi yolqətey mınosibəti, Həşi 1403 minnə sori Azərə manqi 30 minnə rujədə, və saət 11 tosə 13, Qiloni Rəşt şəhri Səravan nomo məntəğədə, di irson muzeyədə de hınə soybon iyən milləti iştiroki şoə mərosim bərpo bəbe.

Qiloni mədəni, dasti sənaye və turizm idorə sədr ım mərosimədə muxtəlifə hınə və mədəni bərnoməon bərpo beyku xəbəş do iyən əlovəş karde: Yəlda şəvi Qiloni ənənəvi mərosimon və Hafiz handey, əcumlə bərnoməon heste ki ım mərosimədə icro bəbe.