Dıminə liqə daminə haftə hənəkon bərpo bıə.
Dec 26, 2024 10:20 Asia/Tehran
Tolışi Çuka futbol komanda bəsə Tehroni Yasa komandəsə de 2-1 hisobi səbarz və ğalib omə. İroni futbol klubon Dıminə Divizyoni 10-ə haftə dəvomədə və iminə qrupədə vırə qətə Tolışi Çuka futbol komanda zinə şəvi çın şəhri Puriyaye Vəli stadiyonədə çe Tehroni Yasa komandəş de 2-1 hisobi bardeşe.
Çuka komandə qolon Əmir Huseyn Nəvayi və çe Tehroni Yasa komandə qol həm Səyid Bəsiri jeyəşe. Tolışi Çuka futbol komanda de ın ğələbə 12 xal ya imtiyozış qırdə kardə və çe iminə qrupi 14 komandəynə turnir cədvəli həştminə vırədə ğərolış qətə.