Bo etikof mərosimiro, ğeydəkə Qilonıjon tələbəon miğdor, 5 bərobər əlovə bıə

Qiloni İslomi təbliğoti mudir, ım ostani məçitonədə bo etikofi mənəvi mərosimədə iştirokiro, 6 həzo kinə və zoə şoqirdon nomi ğeyd kardeyku xəbəş do.

Huccətul İslom vəlmuslimin Muhəmməd Əli Nəcəfi votışe: tosə ısət Qilon ostani məçitonədə bo etikofi mənəvi mərosimədə iştirokiro, 6 həzo kinə və zoə şoqirdon ıştə nomi ğeyd kardeşone ki de dəvardə sori muğaisədə 5 bərobər əlovə bey nışo doydə.

Əv ijən votışe: Qilonədə bo etikof mərosimi bərpo kardeyro, 150 qılə məçit əktive ijən əlovəş kardə: Ostanədə 53 qılə məçit bə tələbəon və nıvcıvonon məxsuse iyən co qılə məçitonədə de həmmə şəxson və sinnon iştiroki etikofi mərosim bərpo bəbe.