Bə Ğəzzə və Livan humanitarə koməkon vığandey

Qiloni Ovdonəti Bəsic Təşkiloti rəyis votışe: İşəmbə rujədə, və sıə ovşımə poə royku, Fatemi4 cihodəkəyon manıvri ğəlibədə, Qiloni milləti humanitarə koməkon, bə Ğəzzə və Livan vığandə bıə.

Bə Qiloni Tele-Rədyo aqentəti raporti əsos, mərdumi koməkon vığandey vırə kənoədə votışe: ım koməkon ostani həmmə məntəğəon Ovdonəti Bəsic Təşkiloti royku qırdə bin ki 10 ton bırz, 1500 qılə pəto və 1000 qılə olət şomil bıdə.

Əv de işorə bə ım ki Qiloni milləti koməkon, ostani sıə ovşımə poə mərkəzədə qırdə kardey bəpeşt, bə Ğəzzə və Livan vığandə bəbe ijən votışe: ım humanitarə hərəkət, Fatemi 4 cihodəkəyon manıvri oxoədə əncom bıə.

Dey manqi 12 tosə 18 minnə rujonədə və de dılon sərdor, Hoci Ğasım Suleymani şəhodəti rujonədə, Fatemi 4 cihodəkəyon 4minnə manıvr de ostani cihodi ğərorqohon və qrupon mehvəriyət bərpo be.