De kişvəri həmmə məntəğəon həmzəmon, Qilonədə pıə sayədə do kaştey

De İmom Əli(ə)-i milad ruji sorəqardış və pıə ruji mınosibəti, Qilonədə pıə sayədə do kaştey kəmpaniya bərpo bəbe.

Bə Qiloni tele-Rədyo aqentəti raporti əsos, Qiloni təbii mənbəon mudir votışe: kişvərədə 1 milyard do kaştey kəmpaniya dəvomədə, de İmom Əli(ə)-i milad ruji sorəqardış və pıə ruji mınosibəti,Qilonədə pıə sayədə do kaştey kəmpaniya bərpo bəbe.

Mazyare Rəzəvi de işorə bə ım ki pıə sayədə do kaştey kəmpaniya kişvəri həmmə vırəonədə bərpo bəbe və Qilonədə həm bərpo bəbe ijən votışe: zinə Dışəmbə Dey manqi 24 minnə rujədə, Qiloni Rəşt şəhri şəhidon vılzorədə ım kəmpaniya bino bıə və ğərore ki 17 qılə Qiloni şəhrıstononədə, 3 həzo toğə kaştə bıbu.