Devlət Ro Polisi avtomobili ğəzo kardəşe  

Yanvari 18-də İmişliədə Devlət Ro Polisi avtomobili kardə ğəzoədə 2 məktəbi əğıl vırədə mardə, 1 kəs mərəzxonədə, 1 kəsiən qonə holədə be xəbə doə bedə.De hodisə anqıl etiroz kardə xonəxon polison tərəfo qətə bən.

İmişli Rayon Prokuraturadə de marde nəticənin bə ro ğəzo band cinoyət ko bino kardə be bəyon kardə bə.
Sər Prokuratura məlumotədə, de Devlət Ro Polisi avtomobili iştiroki de marde nəticənin bə ro-nəğliyyot ğəzo anqıl de Cinoyət Məcəllə 263.3- (ro hərəkət iyən nəğliyyot vasiton istismor ğaydon darışte, beehtiyotiku bə 2 xonəxo marde səbəb) maddə cinayət ko  bino kardə, ibtidoi istintoğ bardə be votə bedə.
Dılətonə Koon Vəzorəti pevolo kardə vidoədə polis maşini surət bə kam kardə bıboən, vinde bedə ki, əv saatədə de 60 km icozə bə roədə çəy surət vey barz bə, nəticədə polis maşin bə əlidə maşine qıniyə, çəyoən roy piyodon şə hissədə məktəbiku oqardə kamsininə əğlononış jə. 
Bə hadisə virə hiç qılı penə vəzifəninə xonəxo oməni,devləti mıvafiğ orqanon tərəfo bın ko səhih ğıymət doə bə ni. Imən bə insonon ğəzəbi səbəb bə. Əvon bə kuçon beşən, bə ğəzo kardə maşini ziyədə ziyonşon jə. Holiədə bə İmişli rayon Dılətonə Vəzorəti ğoşunun dənoe votə bedə. Bın qınə ğəzoədə azərboycon respublika hukuməti bə istə insonon munasibət oşko vində bedə. Ğəzoədə qınoko polis bıboən, rəsmi dıminə avtomoli qınoko be votə bə.