Apelyasiya məhkəmə Azər Ğasımlı bə kə dustoğəti vanodışe

Siyosi Menecment İnstituti direktor, dastqirətiədə bə siyosətmədor Azər Ğasımlı vəkil, çəy bə kə dustoğəti vadoe band Yasamal Rayon Məhkəmə imtino ğəroriku apelyasiya şikot kardəş be.

Bə şikoti yanvari 21-də Boku Apelyasiya Məhkəmədə diyə kardə bə.
Məhkəmə prosesədə iştirok kardə Azər Ğasımlı bəyonış kardə ki, hiç qılı cinoyət kardəş ni, barəks, ıştən cinoyəti ğıbon be ro ımruj dastqirətiədəy.
De siyosi siforişi dastqir be votə siyosətmədor, məhkəməkuən ədolətinə ğəror çəş nıkarde, məhkəmon de sifarişi ko karde votəşe.
Vəkiliən, huğuğon mudafiə kardə xonəxo taxsi nı be, hıç qılı sobut nıbə çəy dastqirətiədə oğətə be bəyonış kardə.
De çəy sıxanon, hətto istintoğ dəvom kardə bıboən, Azər Qasımlı dastqirətiədə onığətə bə jimon dəvone bəbe.
Mıstəntığ  Azər Qasımlı bə kə dustoğəti vadoe etirozış kardə və bəyonış kardə ki, çəy dastqirətiku vadoe bə istintoğe şe xələl varde bəzne.
Apelyasiya məhkəmə təğdim kardə şikot təmin kardəş ni, Azər Qasıml bə kə dustoğəti vadoeku imtino kardəşe.
Politoloqi jimoni həmro Samirə Qasımlı bəyonış kardə ki, əvon apelyasiya məhkəməku əlidə nəticən bə çəş nıbin, çumçoko Azərboyconədə bə məhkəmə sistemi iyən hakimon holi bələdin, çe əvon məstəğıl ğəror doe nızne bə sə dəşedən.
Azər Qasımlı ponə sori dekabri 8-də qətə bə.
Ruji bə peş de Yasamal Rayon Məhkəmə ğərori bo sıftənə istintoğ mıddəti ro çəy barədə  4 manq  dastqirəti tədbir vıjniyə bə.