Masalədə İroni taton və Tolışon Fəcri milli musiği iminnə festival bərpo bıə

Masalədə və de musiği baxşədə hınəsoybon iştiroki İroni taton və Tolışon Fəcri milli musiği iminnə festival bərpo bıə.

Im mərosimədə Tolış şəhrıstoni islomi irşod və mədəniyyəti idorə sədr votışe: ım festivalədə 160 qılə hınəsoybon de 60 qılə musiği qrup və 25 nəfər coyli nəvoz ya tək nəvaz İroni muxtəlifə məntəğəonku iştirokışon be.

Nurullah Səfərpur ijən əlovəş karde: cəhdımon heste ım festivali milli ğeyd əncom bıdəmon.

Masal şəhrıstoni dasti sənaye və turizm iyən mədəni irson idorə sədr ijən votışe: ım festival, İroni musiği və nəğməon mədəniyyətədə de ənənəvi fulkolor musiği navəjəti hədəfi  bərpo bıə.

Əlirıza Mehreqan ijən əlovəş karde: ım festivali kənoədə həm bo muxatəbonro məntəğə milləti dasti sənaye və dast soxtə çiyonku 15 qılə ğorfə bərpo bıə.