Qilonədə "çəmə İron" nomo fotoqrafiya mısobiğə bərpo bey

Qiloni hırdənon və nıvcıvonon fiki tərbiye mərkəzi sərpərəst, bə İslomi İnğilobi Fəcri 46minnə sori mınosibəti xoto, "çəmə İron" nomo fotoqrafiya mısobiğə bərpo beyku xəbəş do.

Səccad Koçəknejad de işorə bə ım ki ım mısobiğə bərpo beyku hədəf, bo İroni İslomi İnğilobi əzəmətinə fəcri 46minnə sori hodisəon nışo doeyro, fotoqrafə hınə soybon zərfiyətonku istifodə kardeye, ijən votışe: "İslomi İnğilob,İmom və ummət və isor və şəhodət", "hırdənon və nıvcıvonon dastonədə İroni pərçəmi iğtidor", "inğilobi Fəcri da rujonədə dərostey" və "Bəhmənə manqi 22 minnə ruji aksiyaədə hırdənon, nıvcıvonon və xeyzonon iştirok" ım fotoqrafiya mısobiğə mevzuon mehvəronku bə hisob omeydə.