İctimoi fəol Cəlal Cavadov polis idorədə bə işqəncə məruz mandə

Meydan TV dastqirətiədə bə koəkon posteron bə bələdiyyə səçınon sədodoə ğoti şodoə ruji bədiqə dastqir bə ictimoi fəol Cəlal Cavadov Nəsimi Rayon Polis İdorədə bə işqəncə məruz mande bəyon kardəşe

İctimoi fəol Cəlal Cavadov polis idorədə bə işqəncə məruz mandəMeydan TV dastqirətiədə bə koəkon posteron bə bələdiyyə səçınon sədodoə ğoti şodoə ruji bədiqə dastqir bə ictimoi fəol Cəlal Cavadov Nəsimi Rayon Polis İdorədə bə işqəncə məruz mande bəyon kardəşe.Fevrali 7-də Bokı Apelyasiya Məhkəmədə Cəlal Cavadovi barədə 30 sutka inziboti dastqirəti ğəroriku doə şikoti diyə kardə bə. De hakim İbrahim İbrahimli sərdorəti dəvardə məhkəmə proses şamqo saat 21:00-də səş qətə.Məhkəmə prosesədə qəp jə ictimoi fəali bəyonış kardə ki, əy de narkotik ittihom dastqir bıkonən, əsl səbəb de Meydan TV dastqirətiədə bə koəkon bande.Cəlal Cavadov yanvari 30-ku dastqirətiədəy. De Nəsimi Rayon Məhkəmə ğərori, əv, kuçədə Nəsimi Rayon Polis İdorə koəkon tərəfo qətə, bə 22-minə polisxonə bardə bə. Bə əy Nəsimi Rayon Məhkəmədə de İnziboti Xəton Məcəllə 206-mınə (şəxsi istehlok miğdarədə narkotik bə dast varde, oğəte) maddə 30 sutka inziboti dastqirəti cəzo doə bə.Cəlal Cavadov, əy metro “28 May” stansiya nezi qətə, bə 22-minə polisxonə ne, Nəsimi Rayon Polis İdorədə 2 ruj oğətə, əyo bə işqəncə məruz mande bəyon kardəşe:“Əyo bə çımı vəy bo peşome tərkibədə narkotik bə ov noşone . Az peşome inkor kardə bədiqə, mınşon tosə behol be kue”.De çəy sıxani, bə polis idorə təcili tibbi komək vanq karde məcbur mandən. Cəlal Cavadov bə Kliniki Tibbi Mərkəz bardə bə.Məhkəmədə bəyonış kardə ki, iminə instansiya ğərorədə çəy etirofkardə izohiti bə əy məxsus nı, joğo qılı izohot doəş ni, imzoən saxta kardə bə. Bə Cəlal Cavadov iyən vəkil Zibeydə Sadıqova etirozon diyə məkənən, apelyasiya məhkəmə qərorı təğyiy kardə bəni, İctimoi fəoli həxədə 30 sutkaninə dastqirəti ğəror ğıvvədə oğətə bə.