Kanə deputati tojə məhkəmə

Navkonə deputat, 2018-minə sor apreliku dastqirətiədə bə Huseyn Abdullayevi koy ro məhkəmə istintoğ tojə kardə bə.

Bə çəy 6 sorinə sıftənə cəzo orəxe 40 ruj mandə – ponə sori martədə 5 milyon nim “lırdinə pulşıştə” ittihomi bini bə nuə cinoyət koy ro prokurori hələ dekabərdə bo Huseyn Abdullayevi həniən 10 sor ozodətiku məhrumkardə cəzo doe tələbış kardə be.
Çe vəkilon qəp iyən çəy oxonə sıxan karde mandə be.
2 manq be ki, Boku Qonə Cinoyəton Məhkəmədə Huseyn Abdullayevi koy ro məhkəmə proseson bə təxir eğandə bedə be.
Yanvari 30-də dəvardə məhkəmə Huseyn Abdullayev Boku İstintoğ Təcridxonaku de videokonfrans vasitə umjən qıniyə.
Bə məhkəmə prosesi sərdorəti kardə hakimi, Huseyn Abdullayevi bə Prezident İlham Əliyevi ovarde bəyonış kardə. Hakimi de lovə-mınnəti pur bə ovardemonış de məhkəmə oşnə kardə.
Prokurori bə  deputati doə əlovə sualon becəvob mandən.
Devlət ittihoməkə bo Huseyn Abdullayevi 10 sor ozodətiku məhrum kardə cəzo piyəşe.
Məhkəmə proses fevrali 13-də istə koy dəvom bəkarde. Omə məhkəmə prosesədə Huseyn Abdullayevi vəkilon de mıdafiə nitği qəp bəjen.
Huseyn Abdullayev 2018-minə sor aprelədə İstanbulədə qətə, bə Azərboyconi huğuğ-mıhafizə orqanon təhvil doə bən.