Qilonədə Kaspi dıyo moyi şikor 8% ziyod bıə.

Qiloni Moyəvonəti şirkəti sər direktor çe Kaspi dıyoku 1800 tonisə veyə astəynə moyon şikor beyış bəyon karde və voteşe:ım sornə sori həmməysə vey qətə bıə moy kəfale ki,ım həm təxminən 50%-i təşkil doydə.

Bə Qiloni Tele-Rədyo xəbə aqentəti doə məlumoti əsos,Kuroş Xəlili bə çın aqentəti muxbiri votəşe:Imsor Mehrə manqi 20-iku moyi şikori mevsumi bino beyku de tosə Bəhmənə mo 30-ə ruji Qilonədə fəoliyyət nışon doə de 47 qılə moyəvonəti kooperativi moyəqəton səyon çe Ostoroku tosə Çabuksəri Kaspi dıyoku 600 milyard tuməni erjədə 1823 ton astəynə moy şikor kardey bıə və bəyonış karde ki,çın şikor bıə moyon 887 ton və bə 49 fayizi bərobər bıə sıpiyə moy ya həmonə ziyodə moy,bə 50 fayizi nezi kəfal,1 fayisə həm vey naminə cə sayir moyon şikor kardey bıə.