Qiloni Tele-Rədyo mudir de Tolışon assosiasiya idorə heyəti uzvon vindemon

Pencşəmbə rujədə, Tolışon assosiasiya idorə heyəti uzvon de kali Tolışi mədəni fəalon bə ico, de Qiloni Tele-Rədyo mudir, Doktor Rəbbani vindemon və votımonışon karde.

Im vindemonədə, Tolışi mədəniyət və zıvoni rəvoc doey və oqətey zərurəti cəhəto, Tolışi bərnoməon pevelo karde saəton əlovə kardey və Tolışon məxsusə televeziya və rədyo stansiyaon icod kardey barədə votımon və sıhbət bıə.

Doktor Rəbbani bə ım təklifon və beşey bəpeşt, bə bumi və məhəlli bərnoməon zumandəti zərurət təkidış karde iyən Tele-Rədyo təşkiloti siyosəton və imkonaton çərçivədə tələbon təğib kardey barədə ıştə həmkoəti elonış karde.