Minskədə dastqir bə bloqqeri bə Erməniston barde xəbə doə bə

“Ekstremist” material pevolo karde nomi, de inziboti ittihomi Minskədə dastqir kardə və bə Azərboycon ekstradisiya tarsi dim-bədim mandə bloqqer Roza Babaxanyani (Bella) bə Erməniston vığande bəyon kardə bə.

Minskədə dastqir bə bloqqeri bə Erməniston barde xəbə doə bə“Ekstremist” material pevolo karde nomi, de inziboti ittihomi Minskədə dastqir kardə və bə Azərboycon ekstradisiya tarsi dim-bədim mandə bloqqer Roza Babaxanyani (Bella) bə Erməniston vığande bəyon kardə bə.Bın barədə Ermənistonədə partiya lider, koy odəm Qaqik Tsarukyani mətbuat kotib İveta Tonoyani məlumot doəşe.Roza Babaxanyani fevrali 15-də dastqir be votə bedə.De bloqqer Aleksandr Lapşini sıxanon, Roza Babaxanyan de Cinoyət Məcəllə penc maddə – nifrəti tosbone, muharibə təbılğat, odəm kışte və ya bə xəşəti zərər je tars ome, bə devlət məmuri behton ğande iyən təhğir karde taxsi ittihom bedə.Lapşin, Babaxanyani bə Azərboycon hakimiyyəti təhvil doe ehtimol kardə.Ermənistoni Belarusədə səforləti, Lapşini doə məlumoti rost nıbe bəyon kardəşe.De “Reform” nəşri nıvıştəy, bloqqer Babaxanyan de, bə Belarusi məxsus “EW-301PJ” numrəninə hokumət biznes təyyarə vığandə bə.Çın təyyarəku penəvəzifəninə məmuron istifodə kardən. Nəşr, çəy ozod be ro istə əlağon bə ko dənoə Tsarukyani de Lukaşenko əlağon çok be nıvıştə.Məlumotədə Roza Babaxanyani oxonə 27 sor Belarusəda jiye, Ermənistoni iyən Belarusi vətəndor be ğeyd bə.Babaxanyan ıştə bloqəda Azərboycon hakimiyyəti tənğıd kardə be.