Nezə rujonədə Trampi-Putin muloğoton çəş kardə bedən 

Amerikə İbə Ştaton prezident Donald Trampi bəyonış kardə ki, bın həftə çəy de Rusiya prezident Vladimir Putini muloğaton eçın qətə bedə.

«Həğiğətən, az famedəm ki, ım çe ko 75 fayiz-e, əmandəniyon— sənədon onoe, real qəponin», 
— Trampi votəşe.
De Rusiya Xarici Koon Vəzorəti press kotib Mariya Zaxarova bə ımi doə reaksiyə, nezə rujonədə Rusiya de Amerika numayəndon kontakton istisno nin. De Kremli təmas jurnaliston bəyoni, Putini de Trampi  vey vocib telofon qəp cımə ruji sə bəğəte.
RF Devlət Dumadə, Rusiyə, AİŞ de Ukrayna miyonədə Səudiyə Ərəbıstonədə bardə muloğatonədə bə 30 rujinə otəşbırye nışe bəyon kardə bə:
«Mıvəğğəti otəşbırye sə nığətə koe. Bə joğo çiyon ro nıdoe barədə prezidentiən votəşbe". 
Joğo otəşbırye bə Ukraynə xey xıdmət kardə. Ukraynə faşıston bə 30 ruj ıştə reston ğoym bəkan, ıştə hucumon dəvom bəkarden. Bə Rusiya kardə dron hucumon bımi sobutin. Im bəmə ğəti lozim ni», 
— Devlət duma mıdafiyə komitə uzv Viktor Sobolevi bəyon kardəşe.