İstanbul şəhəri bələdiyə sərdor Əkrəm İmamoğlu dastqir bə

İstanbul yoləşəhəri Bələdiyyə  sərdor Əkrəm İmamoğlu və çəy mətbuat kotib Murad Onqun dastqir kardə bən.

Şəhəri Şişli Bələdiyyə sərdor Rəsul Emrah Şahan, Bəylikduzu Bələdiyyə sərdor Murat Çalıkən çe qətə xonəxon restədəy.
De “Anadolu Aqentəti” doə məlumoti, prokuroron, bələdiyyə sərdoron, əz cumlə ko odəmon və jurnaliston bə ico tosə 100 kəsi dastqirəti barədə aspardəyon doəşone.
Bəvon, bə cinoyətko təşkiloti rəhbərəti və uzvəti, de tars ome tələb karde, rışvə se, şəxsi məlumaton beğanun bə dast varde və tender nəticon saxta karde ittihomon doə bən.
İstanbul Sər Prokuratura həmən iddio kardə ki, İstanbul bələdiyyə sərdori de həniən əlidə xonəxon bə ico koy odəmonku məcburi pulon se ğanuniku bəkəno ğəzanc bə dastış vardə. Turkiyədə bə vey sosial şəbəkon blok noə bə, fəaliyyət məhdud kardə bə.
Əkrəm İmamoğlu 2027-minə sor Turkiyədə dəvardə Prezident səçınonədə muxalifəti əsos nomizəd və Prezident Rəcəb Tayyib Ərdoğani əsos rəğib hisob bedə. İstambulədə bo numoyişon ğədəğə noə bıboən, de  İmamoğlu ozodəti tələbi numayişon dəvonə bedən. De kali eksperton fiki, əsos məsəlonədə qılıən, Rusiyəku bə Turkiyə dəvonə ğazə lulə bə ğərbi nəzorəti peğəteədə Ərdoğani roziəti se ro məxməri inğilabi bino kardeye.