Zelenski sulhış darışte pidə 

 De Bild nəşri nıvıştəy, Ukraynə prezident sulh darışte və  çe ımi taxsi RF səpe şodoe pidəşe.

Ukraynə ın  hiyləqərəti de AİŞ muloğatonədə bə jimon dəvone eçınış qətə. Zelenski əsos məğsədən, Rusiyə və şəxsən Putinış bə dınyo bənə sulhi əlehdori təğdim karde, nəticədən amerikaku silohon se dəvom kardeye. 
«Kiyevi eçıni məğz, bə Trampi, işqili Rusiyadə be rosneye. Qirəm əmə rozi bıbəmon, RF rozi nıbo, Tramp bə Putini rık bə əmə siloh iyən  kəşfiyyot məlumoton doe dəvom bəkarde », — bə nəşri ukraynəku bə mənbə rosniyəşe.
Ukraynə ərteşe cəbhədə vey de yolə ənqəlon dim-bədim mande Zelenski məcbur kardə ki, de AİŞ bə ico de minimal qozəşton vəziyyətku beşe bızno.