Turkiyədə numoyişon dəvom kardedən

Turkiyədə İstanbul səhəri bələdiyə sərdor Əkrəm İmamoğlu dastqir karde bədiqə numoyişon dəvom kardedən, həniən vey məntəğon etənedən.

Мarti 23-də Turkiyə Dılətonə Koon Vəzorəti Əkrəm İmamoğu de korrupsiyə anqıl koy tədğiği ro mıvəğğəti vəzifəku ozod kardışe.
De ımi i fəxt mıxalif partiya elon kardışe ki, İmamoğlu bə prezidentəti nomizəde.  Xalğ-respublika partiyə sərdor Оzqur Ozeli, bə dastqir bə bələdiyə sərdori  14 mln 850 həzosə ziyod xonəxo sədo doe bəyonış karde. 
De çəy sıxani,partiyə tərofdoron har ruj bə numoyiş bebəşen. Mıxalifət hisob kardə ki, Ərdoğan bəpe nubəku bəkəno prezident səçınon elon bıko. 
Marti 19-də İmamoğlu dastqir bə peş Turkiyədə numoyişon bino bən. Huğuğ mıhofizə ğıvvon tərəfo bə numoyişkon zu və məxsusi çəmon tətbiğ bedən. Marti 21-də   huğuğ-muhofizə ğıvvon tərəfo 340 kəsisə vey xonəxo dastqir kardə be votə bedə.