İsrail bə Sudan iyən Somali ovardə

Amerika İbə Ştaton iyən İsrail Ğəzza tanqiku 2 milyon fələstinivojon   bə Sudan və Somali kuçovne imkonon çəşəvəno karde barədə CBS News aqentəti bəyon kardəşe. 

De telekanali bə etoboninə mənbon istinod, Trampi administrasiyə və İsrail bə Sudan iyən Somali hokuməti, istə keşvəronədə bo fəlistinovojon Qəzza tanqiku kuç karde ro ərazi onoe təklifi ovardən .
De vəziyyəti oşnə bə xonəxon votəy, Trampi аdmistrasiyə iyən İsrail bın eçıni ro Suriyən nəzəku vitvonedənin. Trampi administrasiyə bın səbəb de Suriya nuə hokuməti ın məsəlon məşvərəti ro kontakt onoe ro cəhdış kardə.
Navədən Trampi Ğəzza «Nezə Şərqi Rivyera» be bəyon kardəş be. Вə Fox Newsi doə mısahibədə AİŞ prezidenti,  iyo ğəşənqə şərait onoe, hələ dırozə mıddət əhali iyo bo jimon karde şərait nıbe səbəbiku oqarde nızne, votəş be.