Avropa keşvəron NATO eçın

De "Financial Times"i nıvıştəy, Avropa keşvəron AİŞ-on NATO-də 5-10 sori əvəz kardə eçıni səpe ko kardedən.

Nəşri bə istə mənbon istinod, Yoləbritaniyə, Fransa iyən Almaniya AİŞ-on səpe Avropa mıdafiyə məsiliyəti peğəte ro ğeyri-rəsmi muloğaton bardedən. Çın muloğaton əsos məğsəd — alyansi maliyə iyən hərbi şələ bə Avropa keşvəron qiy noə eçıni hozzo karde və əy iyunədə Haaqadə NATO lideron ha sor dəvardə sammitədə bə AİŞ-on təğdim kardeye. Trampi NATO-ku beşe tədidon bədiqə ın muloğaton həmən çəvon çe "xaosiku vite" cəhd hisob kardə bedə, çumçoko bo NATO normal fəoliyyəti  AİŞ əsos keşvəre.
Hozzo bə eçinədə, Avropa keşvəron mıdafiyə iyən hərbi potensiali barzəti ro xarçon tədricən ziyod karde və Trampi Amerika səlohiyətonku qədə-qədə inkor karde nəzədə qətə bedə ki, ımən bo AİŞ-on istə ğıvvə Asiyədə sərfi şəroit bəsoxte.
In eçini bə jimon dəvone omə 5-10 sorədə nəzərədə qətə bedə.