Şəhid Rəşid Rezayipuri pıə bə rəhmət şə

Şəhid Rəşid Rezayipuri pıə bə çandə sornə firoğ iyən coəti tov vardey bəpeştə,bəştə şəhidə zoə anqıl qıniyə və osmoni bıə.Barzə məğaminə şəhid Rəşid Rezayipuri dədə Hoci İzzətullah Rezayipur həxı ləbbeyki ğəbul kardə holədə bəştə şəhidə fərzəndi omuj qıniyə.

Şəhid Rəşid Rezayipuri pıə pokə cənozə Rizvanşəhr şəhrıstoni Pərəsari baxş iyən rayoni Seyğəlsəro di Şəhidon-Vılzorədə çəy şəhidə zoə palu dəfn kardey bıə.

Barzə məğaminə şəhid Rəşid Rezayipur Həşi 1346-ə sori Xordadə manqi 15-ədə Rizvanşəhr şəhrıstoni Pərəsari baxşi Seyğəlsəro diyədə qıləy dindorə xıyzonədə bə dınyo çəşış oj kardə və 5 mordad Həşi 1367-ə sori Mirsadi əməliyyot bino beyədə deştə dıli xoşi Əhvaziku bə İslom-Obodi ğərbi şeyə və çe mınofiğon hucumi nəticədə bə şəhodəti məğami rəsə.