Zahirəddin İbrahimovi tale çokonə bəbe?

Boku hukumət oxonə soron dırozi deştə tənğıdəkəyon və əleyhdoron mıborizə bardero çandə dəfə çe beğanunə usulonku okoş doə.ın cur rəftor de Tolışi məşhurə fəol Zahiruddin İbrahimovi tale anqıl bə norohətçətiyon səbəb bıə.

Zahirəddin İbrahimovi tale çokonə bəbe?

Boku hukumət oxonə soron dırozi deştə tənğıdəkəyon və əleyhdoron mıborizə bardero çandə dəfə çe beğanunə usulonku okoş doə.ın cur rəftor de Tolışi məşhurə fəol Zahiruddin İbrahimovi tale anqıl bə norohətçətiyon səbəb bıə.

Boku hukuməti bəzi analoji holon və beğanunə hərəkəton çımonku iborətin:

-Əliyevi hakimiyyəti tənğıdəkə jurnalist Əfğan Muxtarli milodi 2017-ə sori mayə manqədə Tiflisiku dızdiyə be və bə Boku bardə be.Əv,6 sor bə həbsə cəzo məhkum bey və çı beynəlxalğə təzyiğon bədiqə vo doey be.

Məhəmməd Mirzəli qıləy miqrantə bloqqer ki ,2021-ə sori martədə çe Ozərboycon Respublikə əmniyyət aqenton tərəfiku de çəxo bəçəy coni suyi-ğəsd be.

-Fəxrəddin Əboszodə -2019-ə sori fevralə manqədə Rusiyə tərəfiku bə Boku deportasiya bıə iyən Ozərboycon Respublikə həbsxonədə şubhəynə şərayitədə bəfot kardə Tolışi məşhurə fərhənqi fəol.

-Və 2007--ə sori de bə İroni nəf iyən xəyri casusəti ittihomi həbs kardə bıə,milodi 2009-ə sori Boku zindonədə çe işkəncəon nəticədə şəhid bıə çe “Tolışi sədo” jurnali sər redaktor Novruz Əli Məmmədov.

In torıxi ğeydon nışon dodyə ki,Boku hukumət dayimi surətədə boştə mıxolifon etosneyro çe təhdid-tars,dızdiye iyən bə Boku ovoştıney şivə və usulonku istifodə kardedə.

Bə ın sabiğə iyən foni dığğət kardeyədə,Zahirəddin İbrahimovi Rusiyadə çəyku qıləy xəbə nıbey və çəy bə Boku ovoştıney ehtımol bə Tolışi fərhənqi iyən mədəni fəolon və beynəlxalğə iştimoiyyəti ciddiyə norohətçəti boyis bıə.

Dəparsey lozıme ki,Zahirəddin İbrahimovi sərnıvışt çokonə bəbe?.