Qilonədə Nəvuzi rujonədə səlomət baxşədə xıdmət rosniye
Apr 09, 2025 04:19 Asia/Tehran
Qilonədə ımsornə Nəvuzi əyyomədə bə 242 həzo nəfərisə əlovə səlomət baxşədə xıdməton əncom bıə.
Qiloni tib elmon ali məktəbi sədr votışe: ımsornə Nəvuzi əyyomədə bə 242 həzo 927 nəfərisə əlovə səlomət baxşədə xıdməton əncom bıə.
Doktor Muhəmməd Təği Aşobi de işorə bə ım ki ımsornə Nəvuzədə bə 242 həzo 927 nəfərisə əlovə səlomət baxşədə xıdməton əncom bıə, votışe: ım mıddətədə 2 həzo 77 təcili cərrohəti əməl, və 3 həzo 182 elektiv cərrohəti əncom bıə və 44 qılə həm muvəffəğə CPR ğeyd bıə.