Bə devlət əleyh vanqədə ittihom bə fəoli istintoğ bə orəx rəsə

Azərboycon Xalq Cəbhə Partiya (AXCP) manqi bə nav dasqir bə dı fəoli – Qaradağ rayon şebə sərdor Zaur Əsqərov iyən Binəqədi şebə uzv Qunduz Mirzəyevi anqıl istintoğ bə orəx rəsə.

Devləti əleyh vanqədə ittihom bə ın xonəxon ko nezə rujonədə bə məhkəmə vığandə bəbe.
Bın barədə məlumot doə Zaur Əsqərovi vəkil Nemət Kərimli bəyonış kardə ki, istintoğe bə orəx rəse nəzə se, huğuğon mıdafiə kardə xonəxo bə kə dustoğəti vadoe ro bə məhkəmə vəsotət doəşe.
Bə vəsotəti apreli 10-də Binəqədi rayon Məhkəmədə diyə kardə bə. Məhkəmə vəsotətış təmin kardə ni və Zaur Əsqərov bə kə dustoğəti vadoə bə ni.
Vəkil çəy bə devlət əleyh vanq ittihomi ğəbul nıkarde bəyon kardəşe.
Çe ın koy ro istintoğ Sər Prokuratura İstintoğ İdorədə bardə bə.
Martı 7-də Azərboycon Xalq Cəbhə Partiya (AXCP) fəolon – Qaradağ rayon şebə sərdor Zaur Əsqərov və Binəqədi şebə uzv Qunduz Mirzəyev bə devlət əleyh vanğ taxsi qətə bən.
Əvon de Cinoyət Məcəllə 281.2-minə (bə devlət əleyh oşko vanqon, təkror və ya i dastə xonəxon tərəfo kardeədə) maddə ittihom bedən. Bın maddədə 5 soriku tosə 8 sori ozodətiku məhrumkardə cəzo nəzədə qətə bedə.