Çin Uzbəkistoni enerqetikadə mevğe zumand kardedə

Uzbəqiston iyən Çin havzə enerqetikadə həmkoti ğoym karde dəvom kardedən.

 Çini Xinjiang Qianyuan Kunyu Construction Engineering şirkət Əndicon viloyətədə, Karadəryo ru səpe 9 qılə hırdə HES ejəne lohiyə bə jimon dəvonidə. Im qılı dıjdə eçıni qədə tikəye.  

Çini 2023-minə sori Uzbəkistonədə bo 4.8 HVt zu bə həşi iyən vavaz enerji lohiyə ro  $6 mld investisiyə sərf karde hozzo be bəyon kardəş be. 
Əmmo bə investisiya həcmi ro lider Səudiyə Ərəbıstone. SƏ ACWA Power şirkəti bə jimon dəvonə enerji lahiyə moliyət $7,5 mld təşkil kardə.  ACWA Power şirkəti ejənə, 4100MVt zuninə 5 elektrostansiyədə 2600 Мvt vavaz, 1500 Mvt həşi stansiyan bəben ki, ımən Çin lahiyonsə həm maliyə, həmən bə zuy ro bə nave.
Bo dırozmıddətinə həmkoəti ro RF-ən enerji vıjorədə fəole. Məntəğədə iminə kərə, Cizak viloyətədə hırdə atom stansiya ejəne ro mulağaton bardə bedən. Ğərəz bimi, Rusiya ğazi bə Uzbəqiston nəql karde iyən nuə ğazə marşruton, bənə TAPİ-2 lohiyə bə jimon dəvone məsəlon mızakirə kardə bedən. Bə Uzbəqistoni unikal texnoloqiyə iyən həmkoəti model təklif kardə Çin, SA iyən RF de iyəndı bəhsədən.