Azərboyconi nom Almaniya məhkəmə korrupsiya mərəşulədə

Yanvarə manqədə Myunhen Ali Regional Məhkəmədə bino bə məhkəmə proses Almaniya məhkəmə tarıxədə iminə kəreki ki, Bundestağe navkonə deputat ıştə mandati icro fəxt de rışvəxorəti şəkki covob dodə.

Azərboyconiku rışvə se band məhkəmə prosesədə taxsiko xonəxonənədə qılı – Ellada M. iminə kərə ifadə doəşe. Im, bo ittihom bə navkonə deputat Aksel Fişer ro bə problem be bəzne.
Ellada M. bə məmuron rışvəxorəti komək karde ro Myunhen Ali Regional Məhkəmədə cəvob doəni bə.
Apreli 17-də əy, iminə kərə məhkəmədə bə iddion mınasibətış bəyon kardə. Əv umu kardə ki, çəy ifadə barədəş bə məhkəmə prosesi oğəte obərəxe. Əmmo əy, ıştə votəyonədə navkonə siyasotmədor Aksel Fişerış ittihom kardə.
Proses həmən bə Almaniya və əlidə Avropa keşvəronədə xarici təsiron bə dim bekardə.  Azərboycon Avropa Şura Parlament Assambleyadə bə ıştə xəyr sədoon təsir karde ro kulli miğdarədə puliku istifodə kardəşe.
Myunhen Devlət Prokuratura Fişeri 2011-2016-minə soronədə Azərboyconiku 84 həzosə ziyod avro nağd pul se qımon kardə. 
Mıstəntığon, holidə vəfot kardə siyosətmədor Karin Strenziən Azərboyconiku 150 həzo avro rışvə se iddio kardedən. Prokuratura puli mısadirə be tələb kardə.
De ittihom akti, Strenzi koədə parlamentiku şə bə peş, bə Azərboyconi lobbi peqardə  Bundestağe navkonə deputat Eduard Lintneri vasitəti kardəşe. Bokuko omə vəsaiti i hissə de çəy şirkəti vasitə ovaştə və siyasətmədori ziyodə məbləğonəş nağd sə. Lintner Myunhenədə bə məmuron rışvə doe ro mıhakimə bedə.
Ellada M. de Lintneri 2006-mınə sori hələ parlamenti uzv beədə oşnə bə.
Həmən rus, qorci və tırki zıvononədə qəp je zıne ro, de azərboyconi əlaqə oğəte bey aspardə bə be. Çumçoko lobbi təşkilot Bokuko maliyyə sedə be.
De Ellada M. məhkəmədə votəy, çəy əlaqon de Elxan Suleymanov və Muslum Məmmədovi nomədə xonəxon oğətəşone.