Çin alimon hidroqen əsnoədə nuə soloh test dəvonəşone

Çin alimon hidroqen əsnoədə, hiç qılı nüvə material nıbə nuə soloh de mıvəffəğiyəti çe testo dəvonəşone. Bın barədə apreli 20-də South China Morning Post bə mıvafiğ elmi mənbə istinod məlumot doəşe.

«Çin tədğiğəkon nəzarəti ji səhro şəroitədə hidroqen əsnoədə nuvə komponent nıbə nuə tıpə siloh test kardəşone. Əvon bə nuvə komponent nıbə vey xərobə karde zuədə, zəncirvari kimyavi reaksiyə se mıyəssər bən», — məlumotədə ğeyd kardə bedə.
De nəşri nıvıştəy, bombə hozzo kardeədə alimon maqneum hidrid kimyəvi maddonədə istifadə kardəşone. Əv çe barza temperatura təsiri ji vılo kardə beku hidroqen ğaz co bə, ımən de vəş qəte nəticə orəxə. Test kardə bombə qoni 2 кq bıboən,  ce vəş qəte tеmperatura de Selsi şkala 1 həzi qradisusə barz bə.
Bombə Çin respublika 705-minə Elmi-tədğiğat instituti keştonoə şirkəti tərəfo hozzo kardə be votə bedə.