Oman soltani bə RF səfər

Oman sultani bə RF səfər çərçivədə ha dı keşvərı lideron Fələstin əraziku israil ərteşi bekarde tərəfdor be, konflikti de həxe həlli roədə fələsti mərdumi huğuği həxon bə nəzə se  bəyon kardəşone. 

Dı tərəfinə muloğatonədə İroni nuvə proqrami barədə qəpon jə bən. 
Oxoədə RF prezident V. Putin və Оmаni Soltan Hеysam Bеn Таrek Əl Səidi bə ico bəyonnomə ğəbul kardəşone.
Bəyonnomədə paytaxt Şərği Qudsədə be şərti suveren Fələstin keşvəri onoe ğeyd kardə bə.
Ha dı lideri de Fələstin tanqədə mevcud bə faciəku norohət be və məsələ həlli inən otəşbırye, humanitar koməki, əhali bə istə kə oqarde ro beynəlxalq arenadə dastədə oməyon karde vocibəti ğeyd kardəşone.
RF prezidenti xarici siyosət məsəlon mışavir Yuri Uşakovi mulağaton oxoədə bə jurnaliston doə suali cəvobədə, Оmani, İron-Amerika qəponədə vocib rol be və Oman lideri Moskat-Moskva əlağon onoe bədiqə tarıxədə iminə kərə bə RF səfər karde və məhsuldor mulağaton barde bəyon kardəşe.