Zahirəddin İbrahimi bə Boku doə be

Im sori martə manqi 26-də RF Yekaterinburq şəhərədə maştəvo saat 06-20-də tolışə ictimoi xodim, alim Zahirəddin İbrahimi qin be barədə xəbə doə bə.

Çə fəxtonəku de əy həmmə əloğon bıryə bən. Həmonə rujiyən bə mıvafiğ mıhafizə orqanon ovardə bıboən, hiç qılı nəticəş doə ni. Marti 31-də bə çəy əvlodon RF Federal Əmniyyətə Xıdməti koəkon tərəfo İbrahimi bə Boku təhvil doə be, səbəb votə nıbe,  çəy jimoni həmroən bə azərboycon dəro karde tələb kardə bə.

In xəbə hojo dı formə ıştəni bənə azərboycon hokuməti tərəfo təyin kardə vəkili təğdim kardə Səyyarə Əliyeva nomədə xonəxo Lankonədə bə çəy əvlodon de telefon vositə apreli 1-də rosniyəşe.

De kali doə xəbə Azərboycon İbrohimi istə şəhərvand hisob bıkoən, ım rost ni, cumcoko əy azərboyconi şəhrvandətiku imtino kardəş be. Bin səbəbən əv 2015-minə sori Lankoni aeroportiku bə RF deport kardə bəbe.
Çın koy səpe 1 manq dəvordoən, İbrahimi bə çiçi əsos bə Boku təhvil doe,bə çiçi əsos DƏX mıvəğğəti mandə təcridxonədə oğəte bəlli ni.

Z. İbrahimi istə bloqədə tolış mərdumi roədə mıbarizə bardə, Əliyev hokuməti tənğıd kardə be, pantırkəti dastəkədə qınoko be hisob kardə be. 71 sinədə bə ın tolışə alim azərboyconi toyfə hokuməti vədə məntəğədə jiyə həmmə mərdumi həxon darıştə nıbe, əminəmonəti tələbi nodə be. RF kali devlət strukturon istə səhrvandi bə əlidə keşvəri təhvil doe ğeyri-ğanuni be hisob kardən. Tədğiği koon dəvom kardən.