Bəhruz Səmədovi məhkəmə dəvom kardedə

Çexiya Karlov Universiteti doktorantı, bə devləti xəyonətədə ittihom bə tədiğatəkə Bəhruz Səmədov Boku Qonə Cinoyəton Məhkəmədə məhkəmə proses dəvardə.

Apreli 21-də çəy koy ro məhkəmə istintoğ bino bə, prokurori ittihom aktış oşko kardə. Cıvonə fəol de Cinoyət Məcəllə 274-minə (bə devləti xəyonət) maddə ittihom kardə bedə. Çe ın maddə sanksiyadə tosə 20 sori və ya tosə jimoni oxo dastqirəti cəzo nəzədə qətə bə.
Əv ıştəni taxsiko zınedəni, bə devləti xəyonət ittihomi pesoxtə be, de Ermənistoni xususi xıdmət orqanon həmkoətiədə qınıko be votə bıboən, ımi təsdığ kardə hiç qılı sobut nıbe bəyon kardəşe.
De təhsili və koy band nav dastqirəti şəş sor Azərboyconədə jimon nıkarde və iyo hiç qılı devlət orqanəda ko nıkarde votə Bəhruz Səmədov məhkəmədə ifadədə votəşe ki, çəyku devlət sırri hisob bə hiç qılı məxfi informasiya nıbə holədə, əy bın koədə qıniko zıne absurde.
Məhkəmə proses istə koy may 16-də de şoyd ifodon dəvom bəkarde.
Bəhruz Səmədov 2024-minə sor avqusti 21-də Devlət Əmniyyətə Xıdməti koəkon tərəfo qətə bə. Səbail Rayon Məhkəmə çəy barədə de Cinoyət Məcəllə 274- (bə devləti xəyonət) maddə dastqirəti ğətimko tədbir vıjniyəşe.