İmom Xameneyi rəhbərəti dınyoş bə həyrət vardə

Qilonədə Vəli Fəğih nımoyəndə, cımə rujədə Rəşti cımə nımoji xutbəonədə de işorə bə Xordadə manqi 14 minnə ruj, İroni İslomi İnğilobi yolə təsisəkə, İmom Xomeyni(r)-i bə rəhmət şey sorəqardış, və Həşi 1368 minnə sorədə, Həzrəte Ayətullah Xamenei vıjniyə bənə İroni İslomi Respublika rəhbər, ijən votışe: İnğilobi yolə Rəhbər nəyem ki İslom dınyo bəlkəm bəşəriyəti dınyo həm idorə kardedə və ə Həzrət ım soron mıddətədə deştə səhihə rəhbərəti dınyo bə həyrət vardəşe.

Ayətullah Fəlahəti de işorə bə Həşi 1342 minnə sorədə Xordadə manqi 15 minnə ruji ğiyom və İmom Xomeyni(r)-i dastqirəti ijən votışe: İslomi İnğilob bə İron məhdud ni və ım ğiyomiku İmom Xomeyi(r)-i hədəf bo Həzrəte İmom Zəmon(əc)-i zuhur və İslomi silivizasiya icod kardeyro zəminə hozzo kardeye və ım vey muhimmə səbəe ki kali dnyo kişvəron de İroni İslomi İnğilob deşmənətişon heste.

Ayətullah Fəlahəti ijən de cinoyətkorə Amerkə həmkoəti, bə israil rejimi cinoyəton işorəş karde və votışe: 601 minnə rujədə ım cinoyətkoron 54 həzo nəfəri kıştəşone ki bə cəmi mediyaon və aqentətion eloni əsos, çəvonku 18 həzo nəfər hırdən bin.