Beynəlxalğ əfv Təşkilot, İğbol Əbilovi ozodi tələbış karde
Beynəlxalğ əfv Təşkilot, İğbol Əbilovi ozodi tələbış karde
Beynəlxalğ əfv təşkilot, Azərboycon Respublika rəsmi şəxsonku tələbış karde, ali məktəbi təhğiğəkə, İğbol Əbilovi ki de bə vətən xiyonət kardey pesoxtə bıə ittihom, kamətion həxon barədə bəştə sulhomizə elmi fəaliyəton əncom doey xoto bə 18 sor zindon bey məhkum bıə be, təcili və be ğeyd və şərt ozod bıkon.
Əbilovi məhkum və mıhukimə kardey, bə təhğiğəkəyon, bəşər həxon mudafiə kardə kəson və tənğidəkəyon ələyh, Azərboycon Respublika rəsmi şəxson tərəfiku vey hevujə etosniyəonku qıləy baxş bə hisob omeydə. həmonə kəson ki bəştə sıxani ozod surəti bəyon kardey həxiku istifodə kardey xoto, xususi həmonə zəmon ki de devləti rəsmi şəxson rəvoyəti çəvon sıxanon farğ kardedə, hədəf ğəror qəteydən.
