Azərboycon boçi Nəxçivoni blokadə kardə?

Erməniston Respublika «Hеrardг» fond, Azərboyconii eksklav- Naxçivon Mıxtor Respublika hışkə roon zıne-zıne Boku hakimiyyəti tərəfo blokadə karde işqilon barədə məlumot doəşe. 

Fond təsdığ kardə ki, azərboycon tərəfi pevolo kardə, de Ermənistoni ərazi dəvardə koridori «Naxçevoni izolyasidə bekarde» tələb bə Yerevani təzyiğ karde məğsədine. 
Boku 2020-minə soriku de kovidi anqıl "xususi karantin rejim"i vonə NMR hışkə sərhədon blokədə oğətedə.
Əlidə qılı səbəbən əve ki,  Naxçivone de iğtisodiyyəti ro bə Tırkiyə iyən İroni anqıləti bə jiy eğande və iyo hərbi forpost soxteye. 
NMR-ku Azərboyconi siyosəti təyin kardə vəzifəninə xonəxon beşən. Imrujnə AR siyosəti bino noə H. Əliyev de mıxtorət rəhbərəti bə Boku ome zınə və çəy zoə formal naxçıvoniku nıboən,  sistem çəy pıəku bo əy meros mandə. 
1993-minə soriku NMR rəhbər de Əliyevon əvlod bə Vasif Talıbov bə.  2022-minə sori Naxçivoni siyosi təsiri bə kam karde ro, İlham Əliyevi əvış bə istefo vığande.
Boku bə İroni iyən Ermənistoni vəynə əsos forpost-Naxçivon hərbi əhəmiyyət be ro, bə çəy ərozi və əhali nəzorəti ğoym karde tələbi bə miyon vardə. 
NАR iğtisodi bə Tırkiyə iyən İroni anqıle. Ğazi əsos mənbə İrone, intasi Tırkiyə Iğdərəku bə eksklav ğazə lulon onoə bıboən hələ bə istifodə doə bə ni. De Ermənistoni koridori Boku Naxçıvoni bə ıştə ğaz bənşande və tırkiyə təsiri bə kam karde bəzne. 
NMR status de 1921-minə sori Kars mığavilə Тırkiyə zəmonətədey, əmmo Boku ın istinodış ləğv karde pidə. 
Bə Ermənistoni koridor doe tələbi dumo —iqlə tırkə keşfəron miyonədə əlağon onoe ne, həmən bə Boku bo mərkəzi hakimiyyəti xəto vardə Naxçıvoni bə Tırkiyə band xususi statusiku xilos be imkon doydə. 
470 həzo əhali qirovədə oğətə blokadə əsos səbəbən hojo ıme.