Rəştədə nımoji sərosəri 32minnə iclos bino bıə

Nımoji sərosəri 32minnə iclos de Rəşt şəhri mizbonəti bino bıə.

Bə Tele-Rədyo aqentəti raporti əsos, i həzo 422 qılə məğolə kişvəriku iyən 149 qılə məğolə Qiloniku bə ım iclos vığandə bıə ki 27 qılə məğolə bənə vey çokə məğolə intixob bıən ki Qiloni ostan vey vıjniyə bıə məğoləon soyb be.

Im iclosədə prezdenti ofisi sədr, Ağaye Haci Mirzai, Prezdenti ayilə və jenon koon muavin Xanım Zəhra Behroz Azər və nımoji iğomə şura ğərorqo sədr, Huccətul islom vəlmuslimin Ğəraəti iyən kişvəri nımoji iğomə ğərorqo muavin, Doktor Seyd Əhməd Zərhani iştirokışon heste.

Im iclosi əvvələdə bə nımoji sərosəri 32minnə iclos, İroni İslomi Yolə Rəhbəri mesaj  de ostanədə Vəli Fəğih nımoyəndə Ayətullah Fəlahəti vositə handə bıə.

Nımoji sərosəri 32 minnə iclos de "nımoji iğomə, inəon, fərzəndon, tojə və strateji texnoloqiya" unvani nom noə bıə.

700 nəfər mehmon, kişvəri həmmə məntəğəonku bə nımoji sərosəri iclos dəvət bıən ki təğribən 70 fayiz çəvonku ostani daxıliku hestin.