Тırkməniston: ojə bəon — bastə suverenitet

Тırkmənistoni «оjə keybon siyosət» elon karde keşfəri bə xarici nəzorəti jiy eqıniye komək kardə

Bənə sərmoyə və texnoloji inkişofi ğəşənqə votəyon peşto suverenetəti qin karde niyo bedə. Tikə—tikə tırkməniston ıştə strateji sahon bə xarici korporosiyon kontrol doydə. Prezident Sərdar Berdımuhəmmədov de fransa IGNFI və yaponiya Toyo Engineering sirkəton mulağaton bardə. Fransa de di təsərufati rəğəmin karde məsələ, bə kaşte, оv resurson iyən infrastrukturon dəşedən. Tırkməniston de ştə xoşi ıştə strateji sahon bə xariciyon aspardə. Toyo Engineering vey fəxte ki, Tırmənistonədə de binon ejəne və bə de bə ğaz kimya komplekson nəzorəti ıştə mevğeyonış ğoym kardə.Enerji sahə qədə-qədə bə xariciyon idorəti kontrol ovaştə.Paralel AİŞ bə Aşğabadi de mıştəğıl ğaz siyosəti anqıl təzyiğ kardən. De sanksiyə noe tarsi Tırkmənistoni bə İrak 9 mld kubmetr ğaz ixroc kontraktşon darışte zıne. Vaşinqton bə Tırkmənistoni bo ğərbi xeyrin bə marşrutonku — de Аzərboyconi və Каspi, Rusiyə və İroniku bə kəno marşruton təklif kardə. Həmmə аlternativ, məsələn bənə TAPI proyekton blok kardə bedən: ya de sanksiya, yaan de keşfəron miyono konflikt soxte.Nəticədə Тırkməniston dınyoədə de ıştə yolə ğaz ehtiyoton bə enerji qiqant ne, bo xariciyon bə xoməmolə vırə peqardə. Fransa bə di təsərufati, yaponon ğazkimya, amerikanon bə eksperti nəzorət kardedən, hokumətən bə əhali keşfəri inkişofiku qəpon jedə.