Ğəfğazi mısılmonon idorə rəyis Nyu-Yorkədə  de seonostə Xaxami dido

Bə Azərbaycan Respublika kali medyaon nəğli əsos ,Ğəfğazi mısılmonon idorə rəyis Allah Şukur Paşazodə ıştə bə  Amerkə səfə cərəyonədə de Artur Aşnayer ki  Amerkə iyən dınyoədə seonistə məzhəbi təsirinə şəxsiyətonkuye, Nyu-York (Park İst)sinaqoq kompleksədə didoş karde.

Həmçinin Ğəfğazi mısılmonon idorə mətbuati xıdməti oxonə reportajədə omə, Şeyxul-İslom çın dıvrə səfədə ,Azərbaycan Respublika rəyis İlhom Əliyev, və çəy vitse-prezdent Mehriban Əliyeva, təşəkkuri mesaj və səlomış bə Rəbi Eşanir rosneşe.

Im vindemon ki de nimə əsrinə dustəti və həmkoəti fəzo bərpo be, bə dinon miyonon bıə mevzuon, min cumlə de “İbreymi Sulhi” bə ico jimoni loyihə barədə bıə diyaloqi məxsus be.

Navko həm Boku bə İbreymi sazişi omuj qıniye ehtımoli xəbəon pevolo bıəbe,

Azərbaycan Respublika ğərole oktyabrə manqədə Avropa Xaxamon yolə iclosi kəsoyb bıbu , və çı mığovilə hevujəti roon çı Boku bəvədə bıə rol ofəye bərrəsi kardey, çın iclosi əsliyə məhvəronku qıləyni bəbe.