Ğəzzədə kom sulhməronə ğıvvon bəben?

Misir AİŞ Ğəzzədə sulhmərominə ğıvvon rəhbərəti tərofdore.

Misir hokuməti bəyonış kardə ki, qirəm Ğəzzədə beynəlxalq ğıvvon AİŞ tərəfo idorə kardə bıbon, əvonən çın ğıvvon miyonədə bəben. Qahirədə peştepurin ki, AİŞ rəhbərəti bə sulmərominə ğıvvon yolə avtoritet bədo və əvoni hifz bəkarde. Misir bın koədə Tırkiyə iştirokiən isror karde barədə inrormasiyə vositon xəbə pevoloşon kardə. 
De ıştə ğıvvon bə Trampi xoti hiç ki risk karde pidəş ni. Bıdə Tramp, Ərdoğan nımunə nuşu bıdon, bıvğandon ıştə ğıvvon, çumçoko əvon bə ıştə sinə vey kudən ki, çəvon sayədə sulh soziş imzo kardə bə.
Nəticədə, bə Ğəzzə ıştə Ğərb ağon vədə ıştəni çok nuşu doe piyə keşfəron əyo iştirok karde ehtimol kardə bedə. Joğo keşfəron miyonədə imənə nubədə Azərboyconi nom qətə bedə, intasi israil mətbuat de ıştə hokuməti zıvoni azərboyconi vırədə ne votedə.