İsmail Şəbanov: Rusiyədə Tolışon vırə bə inkişof rəsə

Rusiyədə Tolışi diaspor cəmiyəti sədr votışe: Rusiyə Tolışon cəmiyəti fəaliyəton bə çəvon vırə bə inkişof rəsey xoto, əlovə peydoş karde.

Rusiyədə Tolışi diaspor cəmiyəti sədr, İsmail Şəbanov de OTV nomo ozodə Tolışi televeziya votımonədə muxtəlifə mıvzuonədə xususi Okrayna canqi barədə, de işorə bə Rusiyə Tolışon nəzəon ijən əlovəş karde: Rusiyə rəsmi şəxson, muxtəlifə iclosonədə ım kişvəri Tolışonku ğədedonəti kardey ıştə himoyə siyosəton koonədə ğərorışon do.

Rusiyədə Tolışi diaspor cəmiyəti sədr, ijən Azərbaycan Respublika və Ermənistoni miyono sulhi prossesiku himoyəş karde və votışe: ım 2 qılə kişvər mandə mədəni soybin ki ım məsələ sulhi zəminə icodəkəy.

İsmail Şəbanov Ğəfğazi barədə sioniston tərəfo bəyon bıə iddion barədə votışe: de təəssufi Azərbaycan Respublikaədə bo sionistonro anədə qıləy şəroyet icod bıə ki hətto əvon Azərbaycan Respublika yəhudi bey barədə kali iddion bəyon kardışone.

İsmail Şəbanov Rusiyə Tolışon fəaliyəton və bə həxi əsos çəvon nəzəon, bə dəvardə soron mıddətədə Rusiyədə çəvon mıvğiyət və vəziyəti bə inkişof rəsey xoto zınəşe və bə ım roy dəvomi təkid kardəşe.