Amerkə bə tənəzzuli səmt hərəkət kardedə

Qilonədə vəli fəğih nımoyəndə votışe: jəğo ki İnğilobi Yolə Rəhbər ıştə sıxanonədə təkidış karde, Amerkə rejim ıştə millətiku bəpeyə yolə deşmənış ni və bə tənəzzuli səmt hərəkət kardedə.

Ayətullah Fəlahəti de Qiloni mediya əktivə şəxson vindemonədə əlovəş karde: de Trampi prezdent bey, Amerkə vey saxtə rujon dəvardedə və Amerkə muxtəlifə İ Bıə Ştaton millət, bə məişəti problem, de mıhociron ya immiqranton tındə rəftor və de milləti vızməti rəftori xoto, hevujə aksiyaon bərpo kardışone və hətto dəvardə rujonədə Amerkə senat parlamentədə kali respublikaçiyon ki Trampi tərəfdor bin həm bə çəy ələyh sıhbət kardışone.

Əv ijən bəyonış karde ki detəəssufi beynəlxalğ mediyaon beynəlxalğə sionisti ixtiyorədəy, əv ijən votışe: Amerkə, dınyoədə bəştə ələyh xəbəon muntəşir beyku mane beydə və de hilə, həğiğəton əks nışo doey dumoədəy.