Pokiston de Ğətəri hərbi həmkoəti ziyod karde pidəşe
Pokistoni prezident Аsif Əli Zərdori de Ğətəri əmir şeyx Тəmim ben Həmad əl Таni Dоhadə noyabri 5-də vindemonədə dı keşfəri miyono hərbi həmkoəti və istehsol əlağon her-hevuj karde təklif kardəşe.
Bın barədə prezidenti bəyonnomə dərc kardəşe.Bəyonnomədə, Ğətari əmire bımi musbət reaksiya doe və bə mıvafiğ onemonon de Pokistoni mulağaton barde ro aspardəyon doe ğeyd kardə bedə.Dıtərəfinə vindemon noybri 4-ku bə 6 Dohadə dəvardə, Beynəlxalq Sosial inkişofi çərçivədə bə jimon dəvonə bə. Prezdent Zərdori tədbirədə Pokistoni təmsiləkə bə. Pokistoni navədən de Səudiyə Ərəbstoni hərbi soziş imzo kardəş be. Im çın keşfəron navko çəvon əmniyyətəti qarant bə de AİŞ mıttəfığəti bovə nkarde sobut kardedə. Vaşinqtoniən bın rujonədə de Hindistoni nuə mıdofiyə soziş imzo kardəşe ki, ım İslomabadi şəkki həniən ziyod kardedə.Мısılmonə keşfəron miyono noroziətiyon vey bıbonən, çəvon nuə ğutb soxte oşko bə çəşi qınidə.
