Cari 7 manqi mıddətədə Ostoro marziku ixracati əlovə bey

Qiloni caddə nəğliyot və royvonəti mudir, dəvardə 7 manqi mıddətədə Ostoro zəmini marziku boy maşinon şe-omey və ixracati əlovə beyku xəbəş do.

Fəriborz Moradi votışe: ım mıddətədə 73 həzo 166 ton əmtəə de roy floti vositə bə kişvər daxil bıə ki həmmə Ostoro marziku dəvardə be.

Əv ijən bəyonış karde ki ixracati baxşədə həm 727 həzo 930 ton əmtəə, Ostoro marziku ixrac bıə ki ım miğdori ixracat, dəvardə sori muğaisədə 4 fayiz əlovə bey nışo doydə.

Qiloni caddə nəğliyot və royvonəti mudir, Ostoro marziku əmtəə tranziti vəziyəti barədə,həm votışe: həminə mıddətədə 688 həzo 25 ton əmtəə, ostaniku tranzit bıə ki ım miğdoriku 594 həzo 839 ton Ostoro marziku və 93 həzo 366 ton həm Ənzəli marziku be.

Əv  ostani varid bey tranziti 494 həzo 426 ton və xarıc bey tranziti 193 həzo 779 ton bəyonış karde ijən votışe: xarıc bey vey muhimmə tranziti çay və kərtofiku şomil be.