Əliyev: Azərboyconi ərteş bə NATO standarton ovaştedə

İlham Əliyevi Bokuədə NАТО nımoyəndon ğəbulış kardə və əyo Azərboyconi ərteşe bə alyansi standart ovaşte bəyonış kardə.  2021-мinə sori Azərboycon bə NATO bloki hərbi təlimon umjən qınyə be.

Аzərboycon lideri ın bəyonati barədə çəy press-xıdməti məlumot pevoloş kardə.
Əliyevi ğeydış kardə ki, Azərboyconi ərteş, bə NАТО standarton ovaşte ro de tırkiyə ərteşi ğoym həmkoəti kardedə.
De Əliyevi votəy, Аzərboycon mıstəğıl bə məğamiku bə ıştə əsos məğsədi —ıştə torıxe zəminon oqordıne məğsədi rəsə və azərboycon ərteşi modern karde dəvom bəkarde.
 2024-minə sori martə manqədə bə Boku NАТО çə fəxtinə qeneral kotib Yеns Stoltenberq omə be və bəvədə ğərəz Ğəroboğ məsələ, аzərboyconiku еnerji ehtiyoton nəql karde mılağaton bardə bəbin.
Аzərboyconi de NАТО əlağon ıştə binevrə 1992-minə soriku peğətedən. Bəvədə, Boku bə NATO şura həmkoəti —alyansi uzvon və uzv nıbəyon miyono əlağon soxtə forumi umjən qınyə be. 1997-minə sori ın forum bə Şimoli atlantik alyansi mıttəfığəti şura peqade.  1994-minə soriən Аzərboycon bo Şərqi Avropa iyən navkonə Şura respublikon ro «Sulhi ro mıttəfığəti » dıtərəfinə priqrami umjən qınyə. Boku və NАТО miyono həmən, individual mıttəfığəti eçın hıste (Individual Partnership Action Plan — IPAP) və bın eçınədə hərbi-texniki həmkoəti həmmə məsəlon rozi kardə bən.