Ənzəli ozod məntəğəku 300 fayiz ixracat əlovə bey

Ənzəli ozod məntəğə təşkiloti mudir votışe: dəvardə 7 manqi mıddətədə de dəvardə sori muğaisədə, ozodə məntəğəku əmtəə ixracat, 300 fayiz əlovə bıə.

Bə Qiloni Tele-Rədyo aqentəti raporti əsos, tojədən Qiloni xəbəiyə votımonədə Mustəfa Taəti Muğəddəm de işorə bə ticorət və iğtisodi baxşədə Ənzəli ozodə məntəğə muxtəlifə zərfiyəton, ijən votışe: de həmmə sanksiyaon vıcudi, dəvardə 7 manqi mıddətədə de dəvardə sori muğaisədə, Ənzəli ozodə məntəğəku əmtəə ixracat 300 fayiz əlovə bıə.

Əv ijən Ənzəli ozodə məntəğədə  de 50 həzo milyard toməni investisiya, turizm, sənaye, port və strukturon baxşonədə qıləy planon əncom doeyku xəbəş do ijən votışe: ım planon sərosəri osınə roy şəbəkə və Sərdor Cənqəl nomo beynəlxalğə ayrport, Ənzəli ozod məntəğə dicital və texnoloqiya qədə şəhri inkişof doey şomil beydə.