Azərboyconədə Tırk Keşfəron Onemonon Ğeyri Hokumət Təşkiloton forum dəbəvarde

Bokuədə noyabri 23-ku tosə 26-i iminə kərə TKO uzv keşfəron ĞHT iminə həmrəyəti forum dəbəvarde.

Forumi proqrammədə- pаnel muloğaton «Zənqəzur kоridor: tırk coğrafiyə ico kardə pard və « WUF13 roədə - tırk aləmədə iminə karə» hıstin. Tədbirədə çe  Azərboyconi, Tırkiyə, MA keşfəron, Macarston, Şimoli Kipr Tırk Respublika tosə 300 ĞHT nımoyəndon iştirok bəkarden.
Forumi çərçivədə azərboycon-ğəzaxston ĞHT I həmkoəti Fоrum və Naxçıvonədə bo TKO-i 8 keşfəri ĞHT ico kardə platforma soxtə be eçın qətə bə. 
Məlume ki, navkonə Şura hokuməti  keşfəron ĞHT britaniya təsiri jintonoe və çəvonədə məxməri inğılab karde ro istifodə kardə bedə.
Bo yadon vey rohət bedə ki, çəvon təsir aqenton bə ico hərəkət kardən. Imruj Cənubi Qafqaz və MA keşfəron de Zənqazur koridori iqlə Ankara tərəfo ne, həmən Vaşinqtoni tərəfo kordinasiya bə aktual mevzu peqardedə.
Bə АİŞ koridor və bə ticori roon nəzorət, bəТırkiyən – Yolə Тuran vocibe. De ımon paralel, bəvon məntəğədə Rusiya, İron və Çini nı be sərf kardedə.